Удирдлагын баг

Г.Сүхбаатар нь 2024 оны 3 сараас Ард Кредит ББСБ ХК-ийн Гүйцэтгэх захирлаар томилогдон ажиллаж буй бөгөөд үүнээс өмнө Гүйцэтгэх захирлын орлогч бөгөөд Зээл эрхэлсэн захирлын албан тушаалыг хашиж байсан. 

• 2017 онд Ард Кредит ББСБ ХК-ийн эдийн засагч
• 2019 онд Гүйцэтгэх захирлын түр орлон гүйцэтгэгч
• 2019-2022 онд Ард Лизинг ХХК-ийн гүйцэтгэх захирлаар ажиллаж байсан юм. 

Тэрээр 2005 онд ХасБанкнаас ажлын гараагаа эхэлсэн бөгөөд эдийн засагч, зээлийн удирдлагын газрын ахлах мэргэжилтэн, салбарын захирлаар тус тус ажилласан туршлагатай банкир юм.

Г.Сүхбаатар нь МУИС-ийг Нягтлан бодогч мэргэжлээр бакалавр зэрэг, Газарчин Дээд сургуулийг Бизнес удирдлагын магистр зэрэгтэй төгссөн.

Ч.Гэндэнпил нь 2015 оноос Ард Кредит ББСБ-д ажиллаж байгаа бөгөөд компани IPO хийх үеийн проспектус, санхүүгийн 5 жилийн төлөвлөгөөг бичиж байсан. Поларис системийг анх нэвтрүүлэх үеийн тохиргоо болон нягтлан бодох бүртгэлийн бичилт зааврыг боловсруулан нийт ажиллагсаддаа сургасан Финтек зээл буюу Ард Аппаар зээл олгох зээлийн дүрмийн судалгааг хийж байсан.

2015-2021 Ард Кредит ББСБ

• Нягтлан бодогч
• Санхүүгийн шинжээч
• ТУЗ-ийн нарийн бичиг
• Системийн админ
• Судалгаа шинжилгээний албаны менежер
• Харилцагчийн үйлчилгээний менежер

2021-2025 Айдакс ХХК

• Санхүү Эрхэлсэн Захирал

Б.Пүрэвдорж нь 2024 оны 4 сараас эхлэн Ард Кредит ББСБ ХК-ийн Байгууллага банкны газрын захирлаар томилогдсон. 2018 онд Юнивишнд ХХК-д ажиллаж байсан бөгөөд 2018 оны 11 сараас Ард Кредит ББСБ ХК-д ажлын гараагаа эхэлж маркетингийн менежер, бүтээгдэхүүн хөгжүүлэлт хариуцсан менежер, маркетинг, борлуулалтын газрын ахлах менежерээр ажиллаж байсан туршлагатай. 

Тэрээр МУИС-ийн ХШУИС-ийг Компьютерын шинжлэх ухааны чиглэлээр бакалавр зэрэгтэй төгссөн.

Ч.Алтан-Өлзий нь 2024 оны 9 сараас Ард Кредит ББСБ ХК-ийн Дижитал хөгжил эрхэлсэн захирлаар томилогдсон бөгөөд үүнээс өмнө Ард Санхүүгийн Нэгдэл ХК-ийн Дата судалгаа эрхэлсэн захирлаар ажиллаж байсан.

• 2012 - 2018 онуудад Монголбанкны мөнгөний бодлогын газарт Макро эдийн засгийн загварчлал хариуцсан ахлах эдийн засагч
• 2018-2022 онуудад М банкны загварчлал хариуцсан өгөгдлийн шинжээч
• 2022-2024 онд Шинэ Сэргэлтийн Бодлогын Хурдасгуур Төв УТҮГын  Мэдээлэл, дүн шинжилгээний хэлтсийн даргаар ажиллахын зэрэгцээ МУИС-д цагийн багшаар ажиллаж байв. 

Дэлхийн банкны зөвлөх, Сангийн яамны ахлах зөвлөхөөр ажиллаж байсан туршлагатай. 

Ч.Алтан-Өлзий нь МУИС-ийн эдийн засгийн бакалавр, Хэрэглээний математикийн чиглэлээр магистр зэрэгтэй төгссөн.

Н.Ачит нь 2024 оны 9 сараас эхлэн Ард Кредит ББСБ ХК-ийн Бизнес хөгжлийн захирлаар томилогдсон бөгөөд үүнээс өмнө Тэмп Партнерс ХХК-ийн бизнес эрхэлсэн захирал, Ард Лайф ХК-ийн даатгалын газрын захирал, Ард Даатгал ХК-ийн давхар даатгалын менежерээр ажиллаж байсан туршлагатай.

Н.Ачит нь Эм Ай Ю сургуулийг бизнес удирдлага чиглэлээр бакалавр зэрэгтэй төгссөн.